Pej xeem hauv California yuav pov npav xaiv 14 rab cai
proposition rau daim ntawv pov npav:
Hnub Tuesday, 11 hlis ntuj tim 3, Sawv daws yuav tsum mus pov npav kom tag nrho thiaj muaj ceem.
Koj lub suab pov npav muaj zog heev! Thaum peb sawv daws tib tsaug mus pov npav ua ke, peb cov neeg Esxias tsis hais cov nyob ntawm Asmeskas los sis cov neeg Pacific Islander yuav muaj peev xwm pab kom muaj vaj tse thiab kev kho mob pheej yig, nyiaj hli kom zoo dua, thiab muaj tsev kawm ntawv zoo.
Tsim nyog tsoom fwv yuav muab peb lub zej zog haiv neeg tsawg uas yog cov neeg ua hauj lwm saib rau nqi dua li cov neeg nplua nuj thiab cov tuam txhab loj.
Pov Npav “POM ZOO” Rau Prop 1: Nyiaj Bonds Rau Vaj Tse
Muab $11.25 billion nyiaj bonds los pab tsim tsa vaj tse tshiab, ceev cia thiab tiv thaiv cov tsev tus nqi pheej yig rau neeg nyob, thiab nthuav txoj hau kev rau coob tus neeg mus yuav tsev. Cov bonds no pub Xeev California (CA) qiv nyiaj ntawm cov neeg nqis peev los mus them rau cov pab pawg koom zej koom zos uas txaus siab heev los mus nqis peev.
Position Endorsed By: APEN Action, CA AF, CPA AF, FAJ AF, HIP AF, PPAF, PAC
Cov Txhawb: Coalition of organizations representing housing, business, labor, local government, among others
Cov Tawm Tsam: Republican Asm. David Tangipa and Reform CA
Pov Npav “POM ZOO” Rau Prop 3: Pab Nyiaj Rau Tsev Kawm Ntawv Thiab Kev Kho Mob
Txuas ntxiv txoj cai los sau se rau 2% ntawm cov neeg hauv California uas khwv tau nyiaj ntau tshaj plaws. rab cai no yuav tauj cov se uas tam sim no sau tau tshaj $100 billion los pab nyiaj rau kev kawm ntawv, cov kev pab cuam thiab kev nyab xeeb rau pej xeem. rab cai no kuj yuav pab tiv thaiv tsis pub txiav nyiaj li $2–6 billion rau cov kev pab tseem ceeb no pib txij xyoo 2031.
Position Endorsed By: APEN Action, CA AF, CPA AF, FAJ AF, HIP AF, PPAF, PAC
Cov Txhawb: CA Teachers Association, CA School Employees Association, CA Federation of Teachers, among others
Cov Tawm Tsam: Reform CA
Pov Npav “POM ZOO” Rau Prop 5: Kev Pov Npav Rho Tus Nom Tswv Tawm Ntawm Txoj Hauj Lwm
Hloov txoj kev pov npav tus rho nom tswv tawm (recall election) kom tsuas muaj tib lo lus nug xwb: Puas tsim nyog rho nom tswv hauv lub xeev no tawm ntawm nws txoj hauj lwm los tsis rho? Yog tias cov neeg pov npav feem coob pov npav tias “Yog”, ces yuav muaj lwm tus los tuav lub rooj nom ntawd raws li txoj cai hloov chaw ua nom, kev tsa ib tug los tuav txoj hauj lwm, los sis kev xaiv tsa tshwj xeeb. Yog tias feem coob ntawm cov neeg pov npav pom zoo hais tias rho, ces lub rooj nom rooj tswv ntawv cia li mus rau tus neeg uas nyob raws las dav, los sis tus uas lawv pom zoo xaiv, los sis lawv mam li tsa ib qhov kev pov npav tshwj xeeb los mus xaiv kiag tus neeg los mus zaum lub rooj no xwb. Tam sim no, cov neeg pov npav yuav txiav txim ua ntej tshaj plaws los mus rho ib tug neeg tawm, ces lawv mam li xaiv tus yuav los hloov–thaum kawg, tus twg tau suab pov npav ntau tshaj yog tus yeej, tab txawm tias tau tsawg dua 50 feem pua los xij.
Position Endorsed By: APEN Action, CA AF, CPA AF, FAJ AF, HIP AF, PPAF, PAC
Cov Txhawb: CA Common Cause, League of Women Voters
Cov Tawm Tsam: Reform CA, Election Integrity Project
Pov Npav “POM ZOO” Rau Prop 38: Nyiaj Bonds Rau Kev Tshawb Fawb Txog Lub Cev Kev Tiv Thaiv Kab Mob (Immunology)
Tsim ib pob nyiaj ($8 billion los ntawm bonds) los pab cov tsev kawm ntawv qib siab thiab cov koom haum tshawb fawb thiab tsim kev kho mob rau cov kab mob xws li cancer, kab mob plawv, Alzheimer’s, thiab lwm yam kab mob. Cov neeg hauv lub xeev California yuav tau txais tus nqi pheej yig dua rau cov tshuaj thiab kev kho mob tshiab uas tsim tau los ntawm qhov kev tshawb fawb no.
Position Endorsed By: CPA AF, FAJ AF, HIP AF, PPAF, PAC
Cov Txhawb: Alzheimer’s Assn., National Multiple Sclerosis Society and other healthcare groups
Cov Tawm Tsam: Dr. Robert Kaplan, Stanford School of Medicine
Tsis Xaiv Ib Tog Twg (Neutral) Rau Prop 40: Se Rau Cov Neeg Nplua Nuj Tshaj Plaws (Billionaire Tax)
Tsim ib txoj cai sau se ib zaug xwb, 5% ntawm cov cuab tam ntawm cov neeg nplua nuj tshaj plaws (billionaires), los pab ntxiv cov nyiaj uas tsis txaus vim tsoom fwv teb chaws tau txiav nyiaj xyoo tas los. Cov nyiaj no yuav muab siv rau kev pab them nqi kho mob, kev kawm ntawv, thiab kev pab zaub mov. Tab txawm peb ntseeg tias cov neeg nplua nuj tshaj plaws yuav tsum tau them lawv feem nqi se kom thiaj li muaj kev ncaj ncees, peb cov neeg zej zog tsim nyog tau txais kev nyiaj txiag los pab yam tsis muaj kev tu ncua, yuav zoo dua li uas txais kev pab ntawm cov se no uas yog txais tib zaug xwb.
Position Endorsed By: CA AF, FAJ AF, PPAF
Cov Txhawb: SEIU United Healthcare Workers West, Teamsters CA, AFSCME CA, Sen. Bernie Sanders, CA Democratic Party, and more
Cov Tawm Tsam: Several billionaires including Google co-founder Sergey Brin; California Business Roundtable; CA Teachers Association; Gov. Gavin Newsom, and more
Pov Npav “TSIS POM ZOO” (NO) Rau Prop 42: Txwv Kev Sau Se Rau Cov Muaj Nyiaj Tej Cuab Tam Thiab Thaiv Kev Sau Se Rau Cov Neeg Nplua Nuj (Billionaire Tax)
Prop 42 yuav thaiv qee feem ntawm txoj cai sau se rau cov neeg nplua nuj tshaj plaws (billionaire tax) xws li nws yuav txwv tsis pub lub xeev tsim se tshiab rau tib neeg tej cuab yeej cuab tam, xws li khoom ntiag tug, tej tswv yim kev txawj ntse uas tib neeg yog tus tswv tsim, nyiaj khaws cia rau thaum so hauj lwm, thiab lwm yam cuab tam, tsis tas li rab cai no kuj yuav txwv tsis pub tsoom fwv tsim ib txoj se tshiab uas yuam neeg them nqi se ua ntej txoj cai ntawd pib siv (retroactively).
Position Endorsed By: APEN Action, CA AF, CPA AF, FAJ AF, HIP AF, PPAF, PAC
Cov Txhawb: Several billionaires: Sergey Brin, Patrick Collison, Max Levchin, among others; Reform CA, among others
Cov Tawm Tsam: CA Democratic Party, SEIU UHW West
Pov Npav “POM ZOO” Rau Prop 2: Txoj Cai Khaws Nyiaj Rau California Lub Neej Yav Tom Ntej
Muab kev ywj pheej rau xeev los npaj thiab tswj nws cov nyiaj txiag. Tso cai rau tsoom fwv xeev khaws 20% ntawm lub xeev cov nyiaj tau los rau hauv pob nyiaj khaws cia rau thaum muaj xwm txheej ceev los sis thaum muaj kev tim tsum (“rainy day” savings fund), uas tam sim no tsuas pub khaws txog 10% xwb. rab cai no kuj pub lub xeev siv ib qho nyiaj seem los them $20 billion ntawm cov nuj nqis uas lub xeev tshuav tsoom fwv teb chaws, uas tau tshwm sim thaum lub sij hawm muaj tus kab mob COVID-19.
Position Endorsed By: CPA AF, FAJ AF, HIP AF, PPAF, PAC
Cov Txhawb: Gov. Gavin Newsom, Democratic state lawmakers
Cov Tawm Tsam: Republican Asm. Joe Patterson and Reform CA
Pov Npav “POM ZOO” Rau Prop 4: Pej Xeem Cov Nyiaj Pab Rau Kev Sib Tw Xaiv Tsa
Tso cai rau tsoom fwv hauv zej zog thiab hauv lub xeev los mus tsim cov kev pab cuam hais txog kev siv nyiaj los pab rau kev sib tw xaiv tsa. Cov kev pab nyiaj rau kev sib tw xaiv tsa no pab kom cov neeg sib tw uas tuaj hauv lub zej zog me (grassroots candidates) muaj nyiaj txiag sib npaug zos tuaj mus sib tw nrog cov neeg muaj nyiaj txiag ntau thiab tau txais kev txhawb nqa los ntawm cov tuam txhab loj.
Position Endorsed By: APEN Action, CA AF, CPA AF, FAJ AF, HIP AF, PPAF, PAC
Cov Txhawb: ACLU CA, CA Common Cause, CA Democratic Party, CA Working Families Party, among others
Cov Tawm Tsam: Reform California, CA Taxpayers Association
Pov Npav “POM ZOO” Rau Prop 37: Kev Txais Nyiaj Yuav Tsev
Tsim ib pob nyiaj los qiv rau cov neeg khwv tau nyiaj nyob rau theem nruab nrab (middle class) thiab cov neeg ua hauj lwm tau nyiaj tsawg (working class) tshaj 200% ntawm qhov nyiaj theem nrab (median income) hauv lawv cheeb tsam lawv nyob kom thiaj tau coj los yuav tsev kom tau them nqi tsev pheej yig. Qhov kev pab cuam no yuav tau nyiaj los ntawm qhov $25 billion revenue bond uas cov tswv tsev tau txais pob nyiaj yuav raug them rov qab.
Position Endorsed By: CA AF, FAJ AF, HIP AF, PPAF, PAC
Cov Txhawb: United Brotherhood of Carpenters and Joiners of America, Northern California Carpenters Regional Council, Western States Regional Council of Carpenters, CA Association of Realtors, and more
Cov Tawm Tsam: Reform CA
Pov Npav “TSIS POM ZOO” (NO) Rau Prop 39: Daim Ntawv Qhia Tus Kheej Rau Kev Pov Npav (Voter ID)
Txwv tsis pub cov pej xeem pov npav yog lawv tsis muaj daim ntawv qhia tus kheej (ID) uas tsoom fwv muab rau saib thaum mus pov npav tim ntsej tim muag, los sis sau plaub tug lej kawg ntawm lawv tus lej ID uas tsoom fwv muab rau ntawm lub hnab ntawv ntawm lawv lub hnab ntawv pov npav. Cov cai yav tas dhau los hais txog ntawv qhia tus kheej (ID) rau kev pov npav tau ua rau tsawg leej neeg tuaj pov npav, tshwj xeeb tshaj yog cov neeg zej zog uas tsis yog neeg tawv dawb yog cov ua tuaj tsawg heev.
Position Endorsed By: APEN Action, CA AF, CPA AF, FAJ AF, HIP AF, PPAF, PAC
Cov Txhawb: Reform CA, Republican Asm. Carl DeMaio, Republican Congressman Ken Calvert
Cov Tawm Tsam: ACLU of Northern and Southern California, Asian Law Caucus, CA Common Cause, League of Women Voters, and more
Pov Npav “TSIS POM ZOO” (NO) Rau Prop 41: Thaiv Txoj Cai Sau Se Rau Cov Neeg Nplua Nuj Tshaj Plaws
Txoj cai no yuav txwv cov se tshiab tib yam li se sau los ntawm cov neeg nplua nuj tshaj plaws (billionaire tax), kom lub xeev muab tau cov se no los nrog lawv pob nyiaj siv thiab rab cai no kuj yuav kom muaj kev tshuaj xyuas cov nyiaj txiag (audits) no rau cov kev pab cuam uas tau txais nyiaj los ntawm cov se tshiab. Qhov no yuav ua rau tsoom fwv nrhiav thiab siv cov nyiaj uas xav tau los pab rau cov kev pab cuam thiab kev xav tau ntawm pej xeem.
Position Endorsed By: APEN Action, CA AF, CPA AF, FAJ AF, HIP AF, PPAF, PAC
Cov Txhawb: Several billionaires: Sergey Brin, Patrick Collison, Max Levchin, and more; Reform CA
Cov Tawm Tsam: CA Democratic Party, SEIU UHW West
Pov Npav “TSIS POM ZOO” (NO) Rau Prop 43: Yuav Tsum Tau 2/3 Ntawm Cov Suab Pov Npav Rau Cov Se Tshwj Xeeb Thiab Thaiv Cov Se Billionaire Tax
Prop 43 yuav ua kom tsis yooj yim rau cov zej zog hauv zos nrhiav nyiaj los pab cuam rau pej xeem. Cov se tshwj xeeb tshiab hauv zos yuav tsum tau txais kev pom zoo los ntawm 2/3 ntawm cov neeg pov npav rab cai thiaj li yuav dhau. Qhov no kuj txuas nrog cov se uas pej xeem yog cov thov kom muab tso rau daim ntawv pov npav. Tam sim no, cov se uas pej xeem muab tso rau daim ntawv pov npav tsuas xav kom tau 50 feem pua ntawm cov suab pov npav xwb ces dhau lawm. Yog tias rab cai no dhau, yuav tsis yooj yim rau kev tsoom fwv los mus nrhiav nyiaj kom txaus los pab thiab ua hauj lwm rau cov pej xeem hauv lawv lub zej zog yuav nyuaj dua qub. Nws kuj yuav ua rau ib pab neeg pov npav tsawg muaj suab muaj ceem dua qub.
Position Endorsed By: APEN Action, CA AF, CPA AF, FAJ AF, HIP AF, PPAF, PAC
Cov Txhawb: Howard Jarvis Taxpayers Association, Reform CA
Cov Tawm Tsam: CA Democratic Party, Evolve CA, Democratic Asm. Buffy Wicks
Pov Npav “TSIS POM ZOO” (NO) Rau Prop 45: Txwv Kev Tshuaj Xyuas Ib Puag Ncig Rau Kev Tsim Kho
Prop 45 yuav hloov thiab txo qee yam kev tiv thaiv hauv California txoj cai California Environmental Quality Act (CEQA). Txoj cai CEQA yog siv los tshuaj xyuas seb tej hauj lwm tsim kho tsev, laj kam thiab kev tsheb tshiab puas yuav tsim teeb meem rau huab cua, dej, ib puag ncig, thiab pej xeem kev noj qab haus huv. Prop 45 yuav ua kom lub sij hawm tshuaj xyuas luv dua thiab txo lub sij hawm uas pej xeem muaj los tawm tswv yim txog tej haujlwm tsim kho. Cov neeg txhawb Prop 45 hais tias kev hloov CEQA yuav pab kom tsim tau vaj tse pheej yig thiab huab cua zoo sai dua. Cov neeg tawm tsam hais tias qhov kev hloov no yuav ua rau qee yam hauj lwm tsim kho mus tau sai dua thiab raug tshuaj xyuas tsawg dua, xws li kev tsim kev loj, pas dej tauv, data centers, thiab chaw kaw neeg rau neeg txawv teb chaws.
Position Endorsed By: APEN Action, CA AF, CPA AF, FAJ AF, HIP AF, PPAF, PAC
Cov Txhawb: CA Chamber of Commerce, CA Business Roundtable, Reform CA, CA Building Industry Assn, CA Hospital Assn, among others
Cov Tawm Tsam: Sierra Club CA, Asian Pacific Environmental Network Action; CA American Nurses Association, CA Building Trades Council, among others
Pov Npav “TSIS POM ZOO” (NO) Rau Prop 44: Txwv Kev Siv Nyiaj Ntawm Cov Chaw Kho Mob Hauv Zej Zog
Prop 44 yuam kom cov chaw kho mob hauv zej zog yuav tsum siv yam tsawg kawg 90% ntawm lawv cov nyiaj tau los rau kev saib xyuas thiab pab cov neeg mob. Cov chaw kho mob uas tsis ua raws li txoj cai no yuav raug nplua nyiaj. Cov kev txwv no yuav txiav tawm nyiaj txiag ntau heev ntawm cov chaw kho, ua rau ntau lub chaw kho mob siv nyiaj ntau dua li lawv khwv tau, txo qee yam kev pab rau cov neeg mob, thiab tej zaum yuav ua rau ntau lub chaw kho mob raug kaw—tshwj xeeb tshaj yog cov chaw kho mob uas nyob deb nroog thiab cov zej zog uas twb tsis muaj kev kho mob txaus.
Position Endorsed By: APEN Action, CA AF, CPA AF, FAJ AF, HIP AF, PPAF, PAC
Cov Txhawb: SEIU United Healthcare Workers West
Cov Tawm Tsam: California Primary Care Assn.; California Medical Assn.; Asian Health Services, among others